توارد الأخبار بشكل متتابع عن المتحور الجديد #أوميكرون ويلي طرأ عليه 32 طفرة تم تحديدها حتى الآن، منها معروف بباقي المتحورات ولكن مجتمعة !! ومنها جديد (الصورة المرافقة)، وخاصة على البروتين الشوكي السطحي يلي بيتمً عن طريقو التعرف على الفيروس وتشكيل المناعة ضدو، وبناءً عليه تم صنع أغلب اللقاحات،
وبالتالي القلق الكبير حالياً -يلي منعرفو- هو من الانتشار السريع للمتحور الجديد وقدرتو المضاعفة على العدوى (لهلأ حوالي 6 أضعاف مقارنة بدلتا) وبالتالي إزاحة باقي المتحورات (متل ما دلتا أزاح البقية أيام ما كان اسمو "الهندي"، وألفا قبلو كمان أزاح البقية ويلي كان اسمو "البريطاني")
ولكن القلق الأكبر -ويلي بدو حوالي أسبوعين ليتوضح- هو مدى تجاوز هالمتحور للمناعة المتشكلة بالمرض أو باللقاح، ومدى شدة الإصابة يلي بيتسبب فيها وضررها بالمرضى (قبول عناية، وفيات، متلازمة الكوفيد المزمنة "اللونغ-كوفيد"، الفئات العمرية ..الخ).
بقترح يتم تجميع الأخبار الجديدة والمصادر المتوالية بمكان واحد (مثلا هون بالتعليقات تحت هالبوست) حتى يبقى الموضوع قابل للإحاطة به وما يغرق بالإشاعات.
(أغلب التجارب يلي عم يتم نشرها حالياً، سواء مخبرياً أو سريرياً تعتمد على تصريحات من دول جنوب إفريقيا يلي اكتشف فيها أول مرة وانتشر بشكل متسارع بعدة مناطق ومدن فيها، وبلش يوصل للبلدان الأبعد عن طريق حركة المسافرين، وفي بعض الأخبار عم يتم نزعها من سياقها)
ملاحظة عالتسمية، وصلنا بتسمية المتحورات للحرف رقم 12 بالأبجدية اليونانية "ميو"، ولكن تم تجاوز ال 13 "نيو" حتى ما يصير خربطة مع كلمة new الانكليزية، وال 14 "Xi" لأن هاد اسم الرئيس الصيني ومنظمة الصحة العالمية ما بدها مشاكل، فقفزوا على الحرف 15 ويلي هو #Omicron
#COVID19
